Hörmətli istifadəçilər,

Məmnuniyyətlə bildiririk ki, Azərbaycan Respublikasının Ekologiya və Təbii Sərvətlər Nazirliyinin yeni Elektron Xidmətlər Portalı sınaq rejimində istifadəyə verilmişdir.

Portalın əsas məqsədi nazirlik tərəfindən fiziki və hüquqi şəxslərə təqdim olunan dövlət xidmətlərinin “bir pəncərə” prinsipi əsasında daha rahat və çevik şəkildə həyata keçirilməsini təmin etməkdir.

Hazırda portal vasitəsilə nazirlik və tabeliyində olan qurumlara aid məhdud sayda dövlət xidməti sınaq rejimində təqdim olunur. Əlavə xidmətlərin rəqəmsallaşdırılaraq portala yerləşdirilməsi istiqamətində işlər davam etdirilir.

Portaldan istifadə zamanı yaranan rəy və təkliflərinizi, həmçinin texniki dəstək tələblərinizi nazirliyin 168 Çağrı Mərkəzinə, canlı çat bölməsinə və ya digital@eco.gov.az elektron poçt ünvanına ünvanlaya bilərsiniz.

Rəy və təklifləriniz bizim üçün çox önəmlidir. Sizin təklifləriniz əsasında Elektron Xidmətlər Portalını mütəmadi şəkildə təkmilləşdirməyə davam edəcəyik.

Diqqətiniz üçün təşəkkür edirik!